Beikon brauðterta
September 26, 2022
Beikon brauðterta með avókadó- eggjasalati.
Hún Bergþóra Heiða Guðmundsdóttir deildi þessari dásamlega brauðtertu uppskrift inn á Brauðtertu hóp og fékk ég góðfúslegt leyfi frá henni til að deila með ykkur en þessa dásemd sendi hún í brauðtertu keppni Ölstofunnar, ég gef henni orðið.
Þessi fór í brauðtertukeppni Ölstofunnar sem var haldin núna á sunnudaginn.
Ég fór á bændamarkaðinn í Krónunni, frábært úrval af alls kyns grænmeti til að skreyta með. Ég léttsýrði regnbogagulrætur og rauðlauk sem ég notaði í skreytingar og útkoman kom verulega á óvart. Ég mun pottþétt aftur léttsýra grænmeti aftur í þessum tilgangi.
Þetta er beikon brauðterta með avókadó- eggjasalati.
Innihald:
1 og 1/2 pakkI samlokubrauð, passar í fjögur lög
20 stór egg,
8 þroskuð avókadó,
1 rauðlaukur,
600 gr majónes,
300 gr grísk jógúrt,
2-3 msk dijon sinnep eftir smekk,
safi úr 1 sítrónu,
pipar,
chilli flögur.
Byrja á því að hræra saman majó, jógurt, sítrónusafa og krydd, Ég tek frá hluta af sósunni til að smyrja tertuna með að utan. Skera egg gróft og hálf stappa avókadóið, mér finnst betra að hafa eitthvað af avókadóbitum í salatinu í stað þess að mauka allt avókadóið, saxa rauðlaukinn smátt og blanda öllu saman. 600-800 gr af beikoninu sem er steikt á bökunarpappír í ofni þangað til stökkt, þá myl ég það niður og set í sér skál. 500 gr tómatar kjarnhreinsaðir og saxaðir, 2 búnt lambhagasalat.
Samsetning, á öll lögin fer eggjasalatið og grófrifið lambhagasalat stráð yfir, á 2 lög strái ég tómötum yfir salatið og á hin 2 lögin strái ég muldu beikoni yfir. Smyr svo tertuna að utan með sósunni sem ég tók frá og skreyti eftir smekk.
Hjartans þakkir fyrir að deila með okkur Bergþóra Heiða
Uppskrift og myndir:
Bergþóra Heiða Guðmundsdóttir
Deilið með gleði
Vertu velkomin að koma og vera með Brauðtertur & heitir réttir hópnum á feisbók
Einnig í Brauðréttir
![Hangikjöts rúlluterta]()
March 03, 2024
Hangikjöts rúlluterta
Fjölskylan elskar hangikjöt, soðið, kalt, í tartalettum, ofan á brauð, inní ofni með bræddum osti ofan á, ofan á snittum, brauðtertum og þessa líka sem ég gerði fyrir afmæliskaffiboð hjá mér í febrúar 2024, rúlluterta með hangikjöti.
Halda áfram að lesa
![Mexíkósk rúlluterta!]()
February 10, 2024
Mexíkósk rúlluterta
Ein af þessum uppskriftum sem ég hef safnað að mér til að gera einn daginn og það kemur að þeim einni af annarri. Mjög góð uppskrift og dásamlega falleg á veisluborðið, saumaklúbbuinn, ferminguna eða bara á notalegu kvöldi heima.
Halda áfram að lesa
![Baguette með heitreyktum Lax]()
January 31, 2024
Baguette með heitreyktum Lax
Ég lumaði á einum pakka af heitreyktum Lax í frystinum frá því að ég pantaði slatta af bæði af fiski í tempura og fiskibollum, reyktum lax, sósum ofl góðgæti frá Fisherman, allt svakalega gott, bara mitt mat.
Halda áfram að lesa
