Gratineraður pestófiskur

January 03, 2024

Gratineraður pestófiskur
Tilraunaeldhús Ingunnar heldur áfram og mikið hef ég gaman af því þegar réttirnir heppnast svona vel svo ég sé tilbúin í að deila þeim með ykkur. Þessi kom mér á óvart, svo mikill sælkeraréttur og bragðgóður.

Veltið fiskbitunum upp úr papriku pestóinu

4-5 stk af ýsu eða þorsk, ég notaði þorsk
1 krukka af papriku pestói 
1/2 sæt kartafla, skorin í bita og soðið áður
1-2 tómatar, skornir í bita
Mosarella og Maribo blandaður ostur
1 pk af Hollandaissósu frá Toro

Raðið sætu kartöflunum þegar búið er að sjóða þær aðeins til að mýkja í botninn á eldföstu móti. (Hefði alveg mátt vera smá meira en ég var með þarna)

Skerið tómatana í bita

Útbúið sósuna eftir leiðbeiningum pakkans

Setið fiskinn ofan á sætu kartöflurnar og niðurskornu tómatana þar ofan á

Ég notaði þessa tegund af papriku pestói

Hellið svo sósunni ofan á og stráið ostablöndunni yfir og setjið inn i ofn á 180°c í 25-30 mínútur eða þar til þið sjáið að fiskurinn er tilbúinn og osturinn orðin gullinbrúnn.

Með fiskréttinum bar ég fram brauð með papriku pestóinu, mjög gott.

Njótið og deilið að vild

Vertu velkomin að koma og vera með í Heimilismatur hópnum á feisbókinni

EÐA

Vertu velkomin að koma og vera með í hóp Sælkera á feisbókinni

---

Skildu eftir athugasemd

Nafn *

Netfang *

Athugasemd *

---

Einnig í Fiskréttir