Jökla líkjörs uppskriftir
Fékk að smakka þennan ljúffenga íslenska rjómalíkjör á Landbúnaðarsýningunni núna um daginn og nældi mér í leiðinni í uppskriftarbæklingin frá þeim og bara verð að deila þeim hérna með ykkur. Styðjum íslenska framleiðslu!
Jökla er búin til úr úrvals mjólk og rjóma sem bændur á Íslandi framleiða á hverjum degi. Sjálfbærni og heinleiki skipta þau miklu máli og koma hrein mjólkurefnin sem notuð eru í staðinn fyrir óæskileg þykkingarefni. snilldin ein.
Jökla Irish Coffee
Fyrir tvo
Innihald
30 ml Jökla rjómalíkjör
100 ml rjómi
2 tsk ljós púðursykur
60 ml viskí, helst írskt
475 ml heitt og nýlagað kaffi
Aðferð
Þeytið rjómann. Blandið Jökla rjómalíkjör út í rjómann. Skiptið viskíinu og púðursykrinum í tvö glös og hellið kaffinu yfir. Setjið rjómablönduna ofan á með skeið og berið fram heitt.
Jökla súkkulaði
Innihald
60 ml Jökla rjómalíkjör
1 bolli heitt súkkulaði
Rjómi
Nokkrar möndlur, saxaðar
Aðferð
Þeytið rjómann. Blandið Jökla rjómalíkjör út í súkkulaðið. Setjið rjómann ofan á með skeið. Skreytið með möndlum.
Jökla Expresso Martini
Fyrir tvo
Innihald
50 ml Vodki
70 ml Jökla rjómalíkjör
70 ml ískaffi frá Nespresso eða gott kalt kaffi
Aðferð
Kælið falleg martini glös í frysti í ca.20 mín. Setjið öll hráefnin í kokteil hristara ásamt ísmolum og hristið hressilega. Hellið í glösin í gegnum fíngert sigti.
Skreytið með 3 kaffibaunum.
Jökla best á ís
Innihald
60 ml Jökla rjómalíkjör
Ísmolar
Setjið Jöklu og ísmola í kokteilhristara og hristið hressilega. Hellið í fallegt glas sem hefur verið kælt.
Stofnendur Jöklu eru þau Pétur Pétursson og Sigríður Sigurðardóttir
Finna má síðuna þeirra á facebókinni hérna
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
