Fyllt kryddbrauð með bollum
November 28, 2023
Fyllt kryddbrauð með kjötbollumÞessa uppskrift sá ég á erlendri síðu og útfærði á minn hátt en mér fannst hún verulega áhugaverð, skemmtileg tilbreyting og snilld á veisluborðið og eitthvað sem bæði fullorðnir og börn elska. En að sjálfsögðu er ég búin að nýta fjölskylduna mína til að taka þennan rétt út og hann fékk góð meðmæli.
Ég notaði í réttinn að þessu sinni tilbúnar sænskar kjötbollur sem ég átti í frystinum en það er líka vel hægt að gera sínar eigin, sjá t.d.
hér en þarna má finna 4 mismunandi uppskriftir, ykkar er valið.
Nú eða bara skella þessum sænsku í.
2 kryddbrauð frosin eða hvítlauksbrauð
14-16 bollur, fara eftir stærð
Pasta sósu, sjá mynd neðar
Mosarella ost
Skerið í miðjuna á brauðinu og opnið, sjá næstu mynd
Raðið bollunum í miðjuna
Þetta er pasta sósan sem ég notaði, keypti hana í Bónus
Fyllið með pastasósunni
Bætið rifna ostinum ofan á í restina og setjið inn í ofn á 180°c í um 20 mínútur.
Þar til osturinn hefur bráðnað ofan á
Verði ykkur að góðu!
Njótið og deilið að vild
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
