Kjötsúpan mín
Ég oftast notast við Toro kjötsúpu grunnin og mér líka mjög vel við hann og ef ég er að gera mikla súpu þá nota ég tvo pakka og frysti svo súpu fyrir veturinn, fátt betra en að grípa í út og hita upp á köldum vetra kvöldum.
Mín súpa
1-2 pakkar af Toro kjötsúpu grunn
1-2 kjötkraftar ef maður vill bæta við styrkleikann
500 gr til 1 kíló af lambakjöti/súpukjöti
1 stór rófa
1 poki af gulrótum
1/2 haus af hvítkáli
1/2 kíló til 1 af kartöflum
2-3 lítrar af vatni
Steikið kjötið á pönnu upp úr smjörlíki og kryddið með Seson All, snúið við og kryddið á hinni hliðinni þar til kjötið hefur lokast.
Setjið vatn í pott og setjið Toro kjötsúpu grunnin saman við. Bætið svo út í niðurskornum rófum, gulrótum, hvítkáli og kartöflum ásamt einum til kjötkrafts tening (notið þann seinni í lokin ef ykkur finnst vanta meira bragð). Látið suðuna koma upp og setjið svo kjötið út í súpuna og látið malla í 1 1/2 til 2 tíma og takið þá kjötið upp úr og skerið af í bita og setjið bita aftur út í. Þarf ekki að gera það en mér finnst það alltaf svo þægilegt að hafa þetta bara tilbúið, sérstaklega ef ég er með gesti.
Njótið og deilið með gleði
Vertu velkomin að koma og vera með í Heimilismatur hópnum á feisbókinni
