Púðursykur kökur!

Áhorf: 4495 | Umsagnir (0)

Púðursykur kökur!

Brakandi góðar og með mínum elsku uppskriftum sem bara verða vera til á jólunum :)



500 gr. hveiti
500 gr. púðursykur
250 gr. smjör/smjörlíki
2.stk egg
5.tsk lyftiduft
1.tsk natron

Blandið saman öllum hráefnunum og hnoðið, ég nota hnoðarann í hrærivélinni minni og það virkar bara ljómandi vel.
Skiptið svo deiginu í nokkra parta og myndið rúllu, skerið svo í ca 5 cm sneiðar og raðið á bökunarpappír og 
bakið á 175°c í ca 10 mínútur.


Kókostoppar!

Áhorf: 1172 | Umsagnir (0)

Kókostoppar!

Þeir standa alltaf fyrir sínu og svo er líka svo ofureinfalt að undirbúa og baka þá.



2 egg
100 gr. sykur
200 gr. kókosmjöl
1.tsk vanilludropar
50.gr suðusúkkulaði saxað

Egg og sykur er þeytt vel saman og svo öðrum hráefnum bætt útí.
Sett á bökunarplötu með teskeið og bakað við 180 °c í 5-7 mínútur.


Kókoskúlur

Áhorf: 1779 | Umsagnir (2)

Kókoskúlur

Gömlu góðu kókoskúlurnar standa alltaf fyrir sinu, auðveldar og góðar og gaman að búa til með krökkunum.

Einföld uppskrift:
1 1/2 dl kókosmjöl
3 dl haframjöl
1 tsk.vanillusykur (eða dropar)
2 msk. kakó
2 msk. kalt vatn (eða kaffi ef það er til á könnunni, en passið að kæla það)
1 1/2 dl flórsykur
100 g smjör

Blandið saman þurrefnunum. Hitið smjör í potti og blandið öllu saman ásamt vatni (eða kaffi)
Látið deigið stifna í ísskáp í ca.30 mínútur. Mótið kúlur.
Hellið kókosmjöli í skál og veltið þeim svo upp úr því, eða setjið kókosmjölið i poka og hristið kúlurnar i pokanum.
Eins er hægt að skreyta þær með kakódufti, hnetukurli eða öðru sem ykkur dettur í hug.

Geymið í kæli.

 

 

 


Stökkar haframjölskökur

Áhorf: 415 | Umsagnir (0)

Stökkar haframjölskökur
60 stk


3 dl sykur
1 ½ dl mjúkt smjör
1 egg
½ dl vatn
3 dl hveiti
2 dl haframjöl
½ tsk matarsódi
¼ tsk salt
8 dl ceerios
2 dl súkkulaði, gróft saxað

Hitið ofninn í 180-200°c.
Þekið pökunarplötu með smjörpappír.
Blandið saman sykri, smjöri, eggi, vatni og vanillusykri.
Bætið síðan þurrefnum saman við og blandið vel.
Setjið síðan deigið á plötuna með teskeið og hafið u.þ.b. 5 cm á milli.

Bakið í 10-12 mínútur.


Kókoshringir

Áhorf: 242 | Umsagnir (0)

Kókoshringir 

250 gr hveiti 

150 gr kókosmjöl 
200 gr smjörlíki 
150 gr sykur 
1 tsk vanillusykur 
1 egg 

Hnoðað. 
Geymt í kæli í nokkrar klst eða í sóalrhring (enn betr)
Sett í genum hakkavélina á hrærivélinni (eins og vanilluhringir) mótaðir hringir.
Bakað við 200 gráður í ca 6-8 mín. 


Einfaldar og gómsætar kókoskúlur

Áhorf: 230 | Umsagnir (0)

Einfaldar og gómsætar kókoskúlur

100 gr smjör
3 dl haframjöl
1 ½ dl kókosmjöl
1 ½ flórsykur
1 tsk vanillusykur
2 msk kakó
1 msk vatn

Blandið öllu saman í skál, hnoðið deigið saman í höndunum,
búið til kúlur úr því og veltið þeim upp úr kókosmjöli.


Tíglar

Áhorf: 481 | Umsagnir (0)

Tíglar 

750 gr hveiti 
400 gr smjörlíki 
400 gr sykur 
4 tsk natron 
2 egg 
2 msk síróp 

Hnoðað deig, sykur og smjörlíki hrært saman fyrst, svo restin sett útí.
Gerðar lengjur og þær þjappaðar niður og skornar síðan í tígla.
Hafið þær ekki of þunnar.
Bakið við 200°c á bökunarpappír í ca 10 mín, fylgist vel með 


Bóndakökur

Áhorf: 303 | Umsagnir (0)
Bóndakökur 

150 gr hveiti 
400 gr haframjöl 
½ tsk sódaduft 
100 gr smjörlíki 
100 gr sykur 
1 msk sýróp 
1 egg litið 

Hnoðað deig. Velt í lengjur sem skornar eru í jafna bita.
Hver biti er hnoðaður milli handanna í kúlur sem látnar eru á smurða plötu og flattar út með breiðu hnífsblaði eða gaffli.
Kökurnar eru bakaðar í miðjum ofni í 8-10 mín. 
Hiti 200-225°c. Jafn undir og yfir hiti. 

Royal spesíur

Áhorf: 464 | Umsagnir (0)

Royal spesíur 

250 gr smjör 
250 gr sykur 
325 gr hveiti 
1 stk egg 
50 gr mislitt súkkat 
50 gr hakkaðar rúsínur 

Deigið hnoðað á venjulegan hátt og því síðan skipt í þrjá hluta.
Í einn hlutann eru settar hakkaðar rúsínur, annan hlutann mislitt súkkat, þriðji hlutinn hafður óbreyttur.
Hver hluti er mótaður í aflangar lengjur, sem látnar eru í kæli.
Síðan eru þær skornar niður og bakaðar ljósbrúnar á smurðri plötu.
Einnig er fallegt að móta lengjurnar mismunandi t.d. kringlóttar, ferkantaðar eða þríhyrndar