Tiramisú
Það allra besta Tiramisú sem ég hef fengið var hjá henni Dísu vinkonu minni fyrir mörgum árum síðan úti í Þýskalandi, hún er snillingur í allsskonar matargerð og bakstri og svo einstaklega gaman að prufa nýjungar hjá henni sem maður er ekki vanur og þótt svo að Tiramisú sé nú alþekktur Ítalskur eftirréttur þá gerir hún hann á sinn einstaka hátt. Ég bað hana um að gera hann fyrir mig fyrir afmælisboðið mitt sem var síðastliðinn febrúar og tók hún vel í það og gladdi það mig og gesti afar vel.
3 egg (aðskilin)
50 gr. sykur með vanillu í (Vanillu burbon eða takið vanillu úr stöng og blandið saman við sykurinn, gott að geyma restina í krukku
400 gr. marscapone-ostur
300 ml rjómi þeyttur
2 pakkar fingurkökur
5-6 bollar sterkt kaffi
1 dl Amaretto líkjör
kakó
Eggjarauður og sykur er þeytt saman þar til það er ljóst og létt.
Osturinn hrærður saman við. Hvítur þeyttar og þeim blandað varlega saman við þeyttan rjómann. Leggið kexfingurna í bleyti í kaffi-líkjörblöndunni andartak, einn í einu og raðið þeim í botn í djúpu fati. Hellið helmingnum af blöndunni yfir, raðið svo kexfingrum yfir aðra röð og hellið loks afganginum af blöndunni yfir og kælið svo. Stráið síðan kakódufti yfir.
Tvær raðir af lady fingers og blandan á milli og svo ofan á.
Kakói sáldrað svo yfir í restina með sigti
Deilið með gleði
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
