Saltfiskur í pestósósu

February 01, 2024 2 Athugasemdir

Saltfiskur í pestósósu
Þessi var afar ljúffengur. Ég notaði 1 pakka af frosnum saltfisk sem ég keypti í Bónus en að sjálfsögðu er hægt að kaupa fiskinn í hvaða fisk/búð sem er. Með fiskinum var ég með heimagert kartöflusalat með smá tvisti.

Hentar vel fyrir 2-4

800 gr saltfiskur eða 1 pakki
Svartur pipar
Pestó, ég notaði rautt pestó en það er alveg hægt að nota annað
Fyrir þá sem vilja þá er hægt að toppa þetta með svörtum ólífum t.d

Kryddið saltfiskinn lítilega með pipar og veltið honum svo upp úr pestóinu.
Raðið honum í eldfast mót og setjið inn í ofn á 180°c í 10-15 mínútur, fer eftir þykktinni á fiskinum. 

Gott að bera hann fram með fersku salati og kartöflusalati

Fiskinn bar ég fram með Pestókartöflusalati og rauðri papriku að þessu sinni.

Pestókartöflusalat
Sama kartöflusalatið ættað frá Þýskalandi, sjá hér
Gott að skipta því í helming og hafa bæði þetta venjulega og svo með pestóinu.

500 gr Kartöflur soðnar og flysjaðar
1 Laukur - fín saxað
Nokkrar Súrar gúrkur - skornat fínt
U.þ.b. 1/2 dolla Gúrku relish
Majoness - lítil dós
Sinnep, ég notaði þarna Dijon sinnep
Edik
Svartur pipar
2-3 msk af Rauðu pestó, nýta krukkuna sem notuð var á fiskinn.

Daginn eftir notaði ég afganginn og setti í hamborgarabrauð með smá remúlaði aukalega og kartöflusalati án pestó sem ég bjó til líka.

Uppskrift & myndir
Ingunn Mjöll/Islandsmjoll.is

Njótið þess að deila uppskriftinni áfram á síðurnar ykkar.

Vertu velkomin að koma og vera með í Heimilismatur hópnum á feisbókinni

EÐA

Vertu velkomin að koma og vera með í hóp Sælkera á feisbókinni

---

2 Svör

Skildu eftir athugasemd

Nafn *

Netfang *

Athugasemd *

---

Einnig í Fiskréttir