Saltfisk pizza

June 29, 2023

Saltfisk pizza 
Með ostakantinum ásamt kartöflum og caper's. Stórgóð blanda sem má bæta við t.d. fetaosti eða öðru hráefni sem hugurinn kallar á. 
Í þessari pizzu var ég að nýta afgang sem var vel nýttur upp til agna en minnsta mál er að gera hana frá grunni. Uppskriftin er hérna í máli og myndum.

Pizzadeig
Pizzasósa
Saltfiskur
Mozarella ostur
Kartöflur
Caper's

Ég var með tilbúið pizzadeig, súrdeigs kúlu. 

En fyrir þá sem vilja gera hana frá grunni þá er uppskrift af pizzabotn hérna.

Pizzadeig: 
225 g hveiti 
1 pakki þurrger 
1/2 tsk salt 
2 msk ólífuolía 
5 msk volgt vatn 
1 egg 

Öllu blandað saman og hnoðað vel, látið hefast á hlýjum stað. 
Mótið botninn úr deiginu og setjið á smurða bökunarplötu. 
Breiðið ofan á degið og látið standa í 10 mínútur áður en fyllingin er sett á. 

Pizzasósan er borin á botninn og osturinn allan hringinn á köntunum

Næst er kanntinum lokað allan hringinn eins og sjá má á myndinni og osti stráð svo yfir botninn.

Þar ofan á setti ég restina af saltfiskréttinum (getið líka notað nýjan saltfisk) og restina af kartöflunum sem ég skar í sneiðar. Sjá saltfisk réttinn hérna.

Í restina setti ég Caper's ofan á og smá meira af ostinu, líka gott að raspa niður Primadonna ost ef til er, hann gefur þetta extra. Bakið við 180°c í um 25.mín 

Svo er bara um að gera að njóta!

Njótið og deilið með gleði

 

Vertu velkomin að koma og vera með í Heimilismatur hópnum á feisbókinni

EÐA

Vertu velkomin að koma og vera með í hóp Sælkera á feisbókinni

---

---

Einnig í Pasta & pizzur